Ish-Kryeministri i Izraelit Naftali Bennet, i cili shërbeu për pak kohë si ndërmjetës në fillim të sulmit rus në Ukrainë, thotë se Presidenti Vladimir Putin i kishte premtuar se nuk do ta vriste presidentin ukrainas.
Papritur zoti Bennet u shfaq në rolin e një ndërmjetësi gjatë javëve të para të luftës, duke u bërë një prej udhëheqësve të paktë perëndimorë që takoi Presidentin Vladimir Putin në Moskë, marsin e vitit të kaluar.
Perpjekjet
Ndërsa përpjekjet e zotit Bennet për ndërmjetësim duket se kanë bërë pak për t’i dhënë fund gjakderdhjes që vazhdon edhe sot, gjatë një interviste të publikuar në internet të shtunën në mbrëmje, del në pah diplomacia urgjente në prapaskenë dhe përpjekjet për të gjetur një zgjidhje të shpejtë në ditët e para të konfliktit.
Gjatë intervistës pesë-orëshe, ku u prekën shumë çështje të tjera, zoti Bennet tha se e kishte pyetur zotin Putin nëse kishte qëllime për të vrarë Presidentin Volodymyr Zelenskyy.
Bennet
“E pyetja se çfarë po ndodhte? A keni plane për ta vrarë zotin Zelenskyy? Më pas i thash, dua ta kuptoj nëse po më jep fjalën se nuk do ta vrasësh Zelenskyy-n. Ai tha, unë nuk do ta vras Zelenskyy-n”.
Zoti Bennet tha se më pas i telefonoi Presidentit Zelenskyy për ta informuar lidhur me zotimin e Presidentit Putin.
Takimi
“Dëgjo, e mbarova takimin, ai nuk do të të vrasë. Ai më pyeti, a jeni i sigurt? I thashë, 100%, ai nuk do të vrasë”. Zoti Bennet tha se gjatë ndërmjetësimit të tij, Presidenti Putin hoqi dorë nga kërkesat për çarmatimin e Ukrainës dhe zoti Zelenskyy premtoi të mos i bashkohet NATO-s.
Moska i ka hedhur poshtë pretendimet e Ukrainës se Kremlini synonte ta vriste zotin Zelenskyy. Duke reaguar pas komenteve të zotit Bennett, në intervistën e raportuar gjerësisht në media, Ministri i Jashtëm ukrainas Dmytro Kuleba shkroi të dielën në rrjetin Twitter: “Mos u mashtroni: Ai është një gënjeshtar ekspert. Sa herë që ka premtuar se nuk do të bëjë diçka, ka qenë pikërisht pjesë e planit të tij”.
Një udhëheqës kryesisht i paprovuar, zoti Bennet shërbeu në postin e kryeministrit për pak më shumë se gjashtë muaj, në kohën e fillimit të luftës. Papritur ai u përfshi në diplomacinë ndërkombëtare ndërsa e vendosi Izraelin në një pozitë të parehatshme, asnjanëse mes Rusisë dhe Izraelit.
Izraeli i cilëson si strategjike marrëdhëniet me Kremlinin përballë kërcënimeve nga Irani, por e rreshton veten krah vendeve perëndimore dhe përpiqet të tregojë mbështetje për Ukrainën.
Një besimtar hebre dhe pak i njohur në rrafshin ndërkombëtar, zoti Bennet shmangu angazhimet e tij fetare duke shkuar në Moskë për takimin me zotin Putin gjatë një feste hebraike. Ai e vendosi veten në ballë të përpjekjeve globale për ndalimin e luftës. Por përpjekjet e tij paqedashëse, nuk patën efekt, ndërsa qeveria e tij pati një jetëgjatësi të shkurtër. Përplasjet brenda koalicionit të larmishëm të Kryeministrit Bennet çuan në rënien e qeverisë, e cila pati larguar nga pushteti Kryeministrin aktual Benjamin Netanyahu. Zoti Bennet është larguar nga politika dhe tani është një qytetar privat.
Ish-Kryeministri i Izraelit Naftali Bennet, i cili shërbeu për pak kohë si ndërmjetës në fillim të sulmit rus në Ukrainë, thotë se Presidenti Vladimir Putin i kishte premtuar se nuk do ta vriste presidentin ukrainas.
Papritur zoti Bennet u shfaq në rolin e një ndërmjetësi gjatë javëve të para të luftës, duke u bërë një prej udhëheqësve të paktë perëndimorë që takoi Presidentin Vladimir Putin në Moskë, marsin e vitit të kaluar.
Perpjekjet
Ndërsa përpjekjet e zotit Bennet për ndërmjetësim duket se kanë bërë pak për t’i dhënë fund gjakderdhjes që vazhdon edhe sot, gjatë një interviste të publikuar në internet të shtunën në mbrëmje, del në pah diplomacia urgjente në prapaskenë dhe përpjekjet për të gjetur një zgjidhje të shpejtë në ditët e para të konfliktit.
Gjatë intervistës pesë-orëshe, ku u prekën shumë çështje të tjera, zoti Bennet tha se e kishte pyetur zotin Putin nëse kishte qëllime për të vrarë Presidentin Volodymyr Zelenskyy.
Bennet
“E pyetja se çfarë po ndodhte? A keni plane për ta vrarë zotin Zelenskyy? Më pas i thash, dua ta kuptoj nëse po më jep fjalën se nuk do ta vrasësh Zelenskyy-n. Ai tha, unë nuk do ta vras Zelenskyy-n”.
Zoti Bennet tha se më pas i telefonoi Presidentit Zelenskyy për ta informuar lidhur me zotimin e Presidentit Putin.
Takimi
“Dëgjo, e mbarova takimin, ai nuk do të të vrasë. Ai më pyeti, a jeni i sigurt? I thashë, 100%, ai nuk do të vrasë”. Zoti Bennet tha se gjatë ndërmjetësimit të tij, Presidenti Putin hoqi dorë nga kërkesat për çarmatimin e Ukrainës dhe zoti Zelenskyy premtoi të mos i bashkohet NATO-s.
Moska i ka hedhur poshtë pretendimet e Ukrainës se Kremlini synonte ta vriste zotin Zelenskyy. Duke reaguar pas komenteve të zotit Bennett, në intervistën e raportuar gjerësisht në media, Ministri i Jashtëm ukrainas Dmytro Kuleba shkroi të dielën në rrjetin Twitter: “Mos u mashtroni: Ai është një gënjeshtar ekspert. Sa herë që ka premtuar se nuk do të bëjë diçka, ka qenë pikërisht pjesë e planit të tij”.
Një udhëheqës kryesisht i paprovuar, zoti Bennet shërbeu në postin e kryeministrit për pak më shumë se gjashtë muaj, në kohën e fillimit të luftës. Papritur ai u përfshi në diplomacinë ndërkombëtare ndërsa e vendosi Izraelin në një pozitë të parehatshme, asnjanëse mes Rusisë dhe Izraelit.
Izraeli i cilëson si strategjike marrëdhëniet me Kremlinin përballë kërcënimeve nga Irani, por e rreshton veten krah vendeve perëndimore dhe përpiqet të tregojë mbështetje për Ukrainën.
Një besimtar hebre dhe pak i njohur në rrafshin ndërkombëtar, zoti Bennet shmangu angazhimet e tij fetare duke shkuar në Moskë për takimin me zotin Putin gjatë një feste hebraike. Ai e vendosi veten në ballë të përpjekjeve globale për ndalimin e luftës. Por përpjekjet e tij paqedashëse, nuk patën efekt, ndërsa qeveria e tij pati një jetëgjatësi të shkurtër. Përplasjet brenda koalicionit të larmishëm të Kryeministrit Bennet çuan në rënien e qeverisë, e cila pati larguar nga pushteti Kryeministrin aktual Benjamin Netanyahu. Zoti Bennet është larguar nga politika dhe tani është një qytetar privat.
