Pas mungesës pagës së muajit qershor për punonjësit e Ministrisë së Arsimit mësohet se shkak për këtë është bërë përplasja politike mes ministres teknike të Arsimit, Mirela Karabina dhe sekretarit të përgjithshëm të këtij institucioni Plarent Ndreca.
Në një deklaratë për mediat ministrja teknike bën përgjegjëse Departamentin e Administratës Publike.
“Në mënyrë të qëllimshme, institucioni është i bllokuar si pasojë e vonesës së miratimit të kërkesës zyrtare për emërimin e Nëpunësit Autorizues, kërkesë e përcjellë për miratim në datën 16 Qershor 2017”, thotë Karabina.
Më tej ajo sqaron se pavarësisht informimit të të gjithë instancave të larta shtetërore, të cilat janë përgjegjëse për zhbllokimin e situatës, kjo problematikë absurde po vijon të mbetet e njëjtë.
