Daphne Caruana Galizia, gazetarja që ka publikuar skandalet e Panama Papers, në të cilat përfshihej edhe kryeministri i Maltës është vrarë këtë të hënë.
Ajo ndërroi jetë këtë pasdite pranë shtëpisë së saj në Maltë, pasi makina e saj pati një shpërthim të fuqishëm me bombë.
Me shkrimet e saj kundër korrupsionit ajo kishte tërhequr lexues të shumtë, ndërsa në fokus të publikimeve të fundit kishte kryeministrin maltez dhe ndihmësit e tij më të afërt të përfshirë me kompanitë off–shore.
Ndërsa asnjë grup apo individ nuk ka marrë përsipër sulmin, Presidentja e Maltës, Marie-Louise Coleiro Preca ka bërë thirrje për qetësi.
“Në këto momente, kur vendi është i tronditur nga një sulm i tillë, unë i bëj thirrje të gjithëve që të masin fjalët e tyre, të mos gjykojnë dhe të tregojnë solidaritet“, tha ajo.
