Në kuadër të debatit që shkaktoi javën që shkoi rasti i një djali të ri shqiptar që kërkonte të ndrronte seksin e tij për tu kthyer në grua, po sjellim këndvështrimin e psikiatrit, që në fakt mungoi për rastin konkret.
Dr. Paul R. McHugh, është një nga Profesorët më të shquar të Psikiatrisë në Universitetin “Johns Hopkins” dhe ish-drejtor i spitalit “Johns Hopkins”, i cili ka studiuar njerëzit transgjinorë për 40 vjet, thotë se është një fakt shkencor se “burrat transgjinorë nuk bëhen gra, as gratë transgjinore nuk bëhen burra”.
Ai shpjegoi në një artikull për Institutin Witherspoon, se ” burrat apo gratë krijojnë një ide false të feminizimit apo maskilizimit, pra të të seksit me të cilën ata e identifikojnë veten”.
Dr. McHugh, i cili ishte psikiatër i përgjithshëm në spitalin Johns Hopkins për 26 vjet, instituti mjekësor që ka kryer fillimisht një operacion pionier për ndryshimin e seksit – dhe më pas e pezulloi këtë praktikë – theksoi se ideja se “seksi është një çështje zgjedhjeje është jashtëzakonisht e dëmshme, sidomos për të rinjtë”.
“Ideja se seksualiteti është një ndjenjë dhe jo një fakt biologjik është duke bërë më shumë dëme në familje, adoleshentët dhe fëmijët dhe duhet të ballafaqohet si një opinion pa themel biologjik kudo që del,” tha Dr. McHugh në artikullin e tij, Transgenderism: A Meme patogjene.
“E bëj këtë jo vetëm sepse e vërteta ka rëndësi, por edhe sepse neglizhohet mes zhurmës së zgjeruar tashmë me njerëz të famshëm si Bruce Jenner fakti se sa viktima shkaktojnë këto modele.”
Ai tha se e ardhmja e atyre që ndryshojnë seksiun është problematike.
Një studim i kryer në Suedi i shtrirë mbi 30 vjet i, ku kultura është fuqimisht mbështetëse ndaj transgjinorëve nxorri në fakt të vërtetat e dhimbshme të trazirave mendore gjatë gjithë jetës.
“Dhjetë deri në 15 vjet pas ndërhyrjes kirurgjikale, shkalla e vetëvrasjeve të atyre që kishin bërë një operacion të tillë u rrit 20 herë më shumë”, tha McHugh./27.al
