Ilir Meta, kreu i Partisë së Lirisë, ka shprehur kritika të forta ndaj SPAK lidhur me mos hetimin e Edi Ramës për çështjen McGonigal dhe Erion Veliajt për inceneratorin e Tiranës.
Në mbledhjen e Komitetit Drejtues të PL-së, Meta u shpreh se drejtësia e re, fatkeqësisht, i merr direktivat nga tribunat e Kongreseve të “Rilindjes”, ndaj dhe të gjitha denoncimet e faktuara dhe të paraqitura nga personat publikë dhe politikë nuk i merr në shqyrtim, ndërsa shpifjet e çdo ordineri të paguar nga Qeveria heton rrufeshëm.
“Kryetari i Partisë Demokratike pa asnjë akuzë izolohet në arrest shtëpie ndërsa të gjithë e dinë se destinacionin e Klubit Sportiv “Partizani” në kompleks ndërtimesh e firmosi Edi Rama.
Edhe kur faktet, dokumentat dhe provat për korrupsionin e Qeverisë ulërijnë si në rastin e megaaferës së inceneratorëve, askush nuk guxon t’i përmendë emrin Edi Ramës dhe Erion Veliajt. Edhe pse McGonigal është shpallur fajtor dhe është dënuar me burg, korruptuesi i tij Edi Rama, as nuk hetohet, as nuk vendoset para përgjegjësisë ligjore dhe as nuk thirret në SPAK.
Kryetari i Bashkisë së Tiranës, Erion Veliaj është faktuar se ka rrëmbyer kompetencat e Këshillit Bashkiak, duke dhënë miratimin në parim për studimin e fizibilitetit të inceneratorit imagjinar, që gllabëron çdo ditë 80 mijë euro.
Kryetari i Bashkisë së Tiranës, Erion Veliaj është faktuar se ka futur në borxh për 30 vjet qytetarët për një vjedhje 500 milion euro dhe se ka lejuar zaptimin e 15 ha tokë jashtë territorit të Lejes së Ndërtimit të Projektit”, tha Meta, duke shigjetuar kështu SPAK-un.
Në vijim ai tha se Qeveria ka zgjedhur të blejë drejtësinë për të frikësuar qytetarët.
Ilir Meta, kreu i Partisë së Lirisë, ka shprehur kritika të forta ndaj SPAK lidhur me mos hetimin e Edi Ramës për çështjen McGonigal dhe Erion Veliajt për inceneratorin e Tiranës.
Në mbledhjen e Komitetit Drejtues të PL-së, Meta u shpreh se drejtësia e re, fatkeqësisht, i merr direktivat nga tribunat e Kongreseve të “Rilindjes”, ndaj dhe të gjitha denoncimet e faktuara dhe të paraqitura nga personat publikë dhe politikë nuk i merr në shqyrtim, ndërsa shpifjet e çdo ordineri të paguar nga Qeveria heton rrufeshëm.
“Kryetari i Partisë Demokratike pa asnjë akuzë izolohet në arrest shtëpie ndërsa të gjithë e dinë se destinacionin e Klubit Sportiv “Partizani” në kompleks ndërtimesh e firmosi Edi Rama.
Edhe kur faktet, dokumentat dhe provat për korrupsionin e Qeverisë ulërijnë si në rastin e megaaferës së inceneratorëve, askush nuk guxon t’i përmendë emrin Edi Ramës dhe Erion Veliajt. Edhe pse McGonigal është shpallur fajtor dhe është dënuar me burg, korruptuesi i tij Edi Rama, as nuk hetohet, as nuk vendoset para përgjegjësisë ligjore dhe as nuk thirret në SPAK.
Kryetari i Bashkisë së Tiranës, Erion Veliaj është faktuar se ka rrëmbyer kompetencat e Këshillit Bashkiak, duke dhënë miratimin në parim për studimin e fizibilitetit të inceneratorit imagjinar, që gllabëron çdo ditë 80 mijë euro.
Kryetari i Bashkisë së Tiranës, Erion Veliaj është faktuar se ka futur në borxh për 30 vjet qytetarët për një vjedhje 500 milion euro dhe se ka lejuar zaptimin e 15 ha tokë jashtë territorit të Lejes së Ndërtimit të Projektit”, tha Meta, duke shigjetuar kështu SPAK-un.
Në vijim ai tha se Qeveria ka zgjedhur të blejë drejtësinë për të frikësuar qytetarët.
