Xhaxhai vret nipin. Ngjarja e rëndë ka ndodhur në Shkodër. Ka qenë ora 15:50 kur në një banesë pas teatrit “Migjeni” në qendër në qytetit të Shkodrës Bujar Kuçi 62 vjeç ka vrarë nipin e tij Mirsad Kuçi 33 vjeç. Në momentin e krimit të rëndë viktima ka qenë në oborr kur papritur i është afruar xhaxhai i tij me një thikë në dorë dhe ka nisur që ta godasë në trup.
Viktima ka marrë tre plagë, një në këmbë, një në bark dhe goditja fatale ka qenë thika në zemër. 33-vjeçari ka plagët e marra ka humbur jetën menjëherë në vendngjarje. Familja e autorit Bujar Kuçi dhe viktimës Mirsad Kuçi, xhaxha dhe nip jetojmë brenda një oborri pa mur ndarës por në shtëpi të ndryshme. Menjëherë pasi kanë dëgjuar zhurmat kanë dalë në oborr familjarët e tjerë.
Menjëherë në vendngjarje ka mbërritur ambulanca por Mirsad Kuçi kishte humbur jetën si shkak i thikës në zemër dhe plagëve në këmbë dhe bark. Shkak për këtë ngjarje të rëndë sipas burimeve nga dëshmitarët që kanë dëgjuar atë që ka ndodhur është bërë oborri i përbashkët mes tyre.
Autori i ka thënë viktimës pse e zë oborrin me makinë. Edhe më përpara kanë patur debate për çështjen e oborrit duke përfunduar tashmë me vrasjen e 33-vjeçarit. Burime pranë policisë vendore të Shkodrës bëjnë me dije se Bujar Kuçi në momentin kur ka kryer krimin e rëndë ka qenë në një gjendje të dehur dhe jo në kushte normale. Policia menjëherë ka bërë identifikimin dhe arrestimin e autorit të vrasjes së rëndë.
Të tronditur kanë mbetur familjarët e viktimës dhe autorit të cilët janë të afërm mes tyre. Mirsad Kuçi momentalisht ishte i papunë ndërsa më përpara ka punuar në ushtri dhe më pas në polici private. Viktima ka lënë pas dy djem të vegjël dhe bashkëshorten e tij ndërsa autori djalin dhe vajzën e tij i ka jashtë Shqipërisë. Policia po heton për zbardhjen e plotë të ngjarjes së rëndë në Shkodër.
/ShkodraNews/
