Në seancën maratonë të Komisionin Hetimor për Inceneratorët, kryetarja Jorida Tabaku, ka pyetur kryeministrin pse vazhdojnë pagesat për koncesionarët e këtyre projekteve, kur janë nën hetimin e SPAK. Kryeministri Edi Rama tha se nuk ka asgjë të keqe që pagesat të vijojnë sa kohë që nuk ka një vendim nga organet përkatëse. Më pasa biseda ka kaluar sërish në tallje dhe ironi nga na e këtij të fundit, i cili kur e pyesnin se ku janë paratë e derdhura për këtë projekt është përgjigjur “atje ku fle lepuri”.
Jorida Tabaku: Jeni ne dijeni se buxheti i shtetit vazhdon dhe paguan per inceneratorin ne qytetin e Fierit, por njëkohësisht edhe atë t qytetit te Tiranes, pavarësisht se këto janë duke u gjykuar?
Edi Rama – Po jam ne dijeni, patjetër
Edi Rama: Kur më thua janë duke u gjykuar hedh hije ato janë duke u hetuar jo gjykuar sa kohë s’kemi asnjë vendim nga organet përkatëse vazhdon kontrata shumë e thjeshtë.
Janë gjëra të thjeshta të punëve të shtetit zonja Tabaku.
Tabaku: Po patjetër, të kishim kaq shumë gjëra të thjeshta për persona në kërkim. A keni dijeni që tre pronarët e tre kompanive te inceneratorëve kanë ngritur të njëjtën skemë në Zimbabve?
Rama: Cilën skemë?
Tabaku: Kanë investuar në Shqipëri e po investojnë edhe në Zimbabve në inceneratorë me fonde që i kanë marrë nga kontrata publike në Shqipëri?
Rama: Kjo është shumë interesante, nga e nxirrni ju këtë duhet të më tregoni një dokument. Që buxheti shtetit ka financiar përmes kompanisë në Zimbabve, duhet të më jepni dokument se është opinion shumë guximtar në aspektin e fantazisë nuk di ku është lidhja, që kemi të investuara 55.3 milionë për Fierin e Elbasanin dhe kaq, tani se me këto 55.3 milionë euro është ndërtuar dy impiante e po ndërtohet një impiant në Zimbabve mbase po por do më dukej shumë e pamundur nuk kam dijeni do e shoh me shumë interes.
Ndërhyrje… Ku fle lepuri?
Rama: te lepuri, po te lekët, te lekët patjetër aty është lepuri. Lepuri i madh që i keni futur në bark njerëzve.
