Partia Socialiste priteti t’i drejtohet Gjykatës Administrative me kërkesën për pezullim dhe shpalljen të pavlefshme të dekretit të presidentit Nishani për caktimin e datës së zgjedhjeve në bashkinë e Dibrës. PS pretenon se kreu i shtetit ka shkelur Kushtetutën dhe Kodin, pasi dekreti është firmosur para publikimit në Fletore Zyrtare të vendimit të Gjykatës Kushtetuese, që rrëzonte kerkesën e ish kryebashkiakut Shukri Xhelili per rikthim në detyrë.
Pritet të thellohet edhe më tej konflikti mes Partisë Socialiste dhe Presidentit të Republikës.
Burime të Ora Neës konfirmojnë se PS do të dërgojë në Gjykatën Administrative dekretin e kreut të shtetit për zgjedhjen në bashkinë e Dibrës.
Të njëjat burime konfirmojnë se PS do të kërkojë pezullim dhe shpalljen të pavlefshëm të aktit administrative Individual, pasi është shkelur Kodi Zgjedhor dhe Kushtetuta.
Partia Socialiste do kërkojë sigurim padie duke pezulluar dekretin, si rruga për pezullimin e zgjedhjeve në këtë bashki.
PS pretendon se Presidenti i Republikës ka shkelur ligjin themeltar dhe ligjin zgjedhor pasi ka shpallur datën e zgjedhjeve përpara se vendimi i Gjykatës Kushtetuese që rrëzonte kërkesën e ish kreut të bashkisë Shukri Xhelili për t’u kthyer në detyre, të ishte publikuar në Fletoren Zyrtare.
Për këtë pretendim, më herët intiotucioni i presidencës ka deklaruar se është njoftur zyratisht nga Gjykata Kushtetuese për vendimin, dhe se presidenti ka respektuar ligjin duke shpallur datën e zgjedhjeve.
Kreu i shtetit ka përcaktuar datën 11 shtator për mbajten e zgjedhjeve në Dibër, pas shkarkimit nga detyra të Shukri Xhelilit, si pasoje e publikimit në Ora News, në emsionin “të Paekspozuarit” të një videoje ku ai shfaqej duke kërkuar favore seksuale në këmbim të një vendi pune.
Ndërsa Presidenti i Republikës Bujar Nishani deklaroi dje për mediat se data për zgjedhjet në Dibër ishte përcaktuar automatikisht nga vendimi i Gjykatës Kushtetuese.
/Oranews/
