Ndërsa e gjithë bota po pret me padurim se si do të jenë rezultatet e vaksinës, presidenti i IRBM Piero Di Lorenzo thuajse është i bindur se kompania që ai drejton dhe kompania britanike kanë goditur në shenjë për vaksinën dhe thotë se e mbështet besimin e tij në të dhënat e para të testit me vaksinën provë.
“Për fat të mirë te vullnetarët e vaksinuar nuk ka patur asnjë lloj reaksioni dhe kjo do të thotë shumë dhe është shenjë se gjërat po shkojnë në drejtimin e duhur”– thotë Di Lorenzo.
Miliarderi dhe filantropi Bill Gates do të zhvillojë sot një telefonatë me kryeministrin italian Giuseppe Conte dhe sipas mediave temë e bisedës do të jetë vaksina eksperimentale e zhvilluar nga kompania italiane nga Pomezia në Romë IRBM dhe Jenner e Universitetit të Oksfordit si dhe për investime, shumë investime.
Gates që deri tani ka paguar 250 milionë dollarë, ka siguruar kështu se është i gatshëm të paguaj shuma marramendëse për vaksinën që do të shpëtojë planetin.
Bill Gates disa ditë më parë shprehu qëllimin e tij për të vënë në dispozicion forcën e tij të jashtëzakonshme ekonomike për të mbështetur studimin dhe testimin e vaksinës së koronavirusit.
