Banorët e lagjes “5 maji”, të Laprakës, “5 majit” dhe Paskuqanit vazhdojnë protestën para Kuvendit për të kërkuar të drejtën mbi shtëpitë e tyre. Gjatë fjalës banorët kërkojnë nga qeveria që të dëgjojë kërkesat e tyre duke kërkuar shpronësim të plotë të ndërtesave. Sakaq, ata akuzojnë Veliajn se i ka ofenduar, ndërsa theksojnë se nuk janë zbatues, por kanë derdhur mundin e gjithë jetës në ato shtëpi
“Ne duam përgjigje nga qeveria shqiptare, ku do të strehohemi dhe ku do të marrim banesat tona. Nuk nxirren njerëzit në rrugë që t’i të bësh kulla, mos e mendo se do të na nxjerrësh lehtë nga shtëpia. Të gjithë qytetarët e Tiranës të na mbështesin sepse halli jonë është edhe për ju. Rruga e Durrësit do të prishen ndërtesat në krah. Dilni protestoni sepse protesta nuk është turp, merrni pjesë në protesta për mbrojtjen e banesave të tyre. Kam një thirrje për Veliajn që ka thënë do të heq çizmen e malokut nga Tirana, por ti je injorant. Nëse ne kemi ardhur këtu nuk jemi zaptues por jemi qytetarë, ndaj të kërkojmë që t’i të na japësh të drejtë”, tha banori.
Ndërkaq, ata iu kanë bërë thirrje edhe ambasadorëve të huaj në Shqipëri që të shikojnë më me rëndësi këtë çështje dhe të reagojnë.
