Kontinenti eurpian po zjen dhe nga vala e protestave, kundër turistëve në disa prej destinacioneve më popullore të Europës.
Vendasit i konsiderojnë prishës të qetësisë dhe shkaktarë të kaosit në zonat e tyre të banimi. Vatra kryesore është Spanja, e cila regjistron 75.6 milionë turistë vitin e kaluar. Në Barcelonë ku tensionet janë rritur për shkak të vërshimit të pakontrolluar të vizitorëve dhe impaktin e websajteve të tilla si Airbnb tek tregu i banesave lokale, sloganet kunder turistëve i gjen kudo.
Arran, dega rinore e grupit radikal CUP është xhiruar teksa çante gomat e bicikletave që jepen me qera dhe autobusave turistikë. Një zëdhënës i grupit tha për median britanike BBC se modeli i sotëm i turizmit largon njerëzit nga lagjet e tyre dhe demton ambjentin. Protesta ka pasur edhe në Palma de Majorka dhe San Sebastian ku një marshim anti-turizmit është planifikuar për datën 17 gusht, në kohën kur vendasit shenojne Semana Granden, një festë për kulturën Baske.
2 mijë vendas marshuan në Venecia duke shprehur zemërimin ndaj rritjes së qerave dhe impaktin e anijeve të mëdha turistike dhe ndotjes që shkaktojne ato.
Organizata Botërore e Turizmit doli në mbrojtje të sektorit, duke u kërkuar autoriteteve lokale të bëjnë më shumë për të menaxhuar rritjen e shifrave.
