Nuk është hera e parë që opozita bllokon rrugët. Ka ndodhur gjashtë vite më parë kur Edi Rama dhe socialistët bllokuan tetë akset rrugure për disa orë duke ndalur qarkullimin njësoj si sot opozita e Lulzim Bashës. Ka pamje të asaj kohe me goma makinash të djegura dhe ndalim të qarkullimit në akset kryesore të vendit. Ndaj dhe kritikat e socialistëve për opozitën e sotme nuk kanë vlerë. Nëpër fotografi shfaqen deputetë e ministra aktualë të cilët ishin asokohe në vijën e parë të protestave me goma të djegura nëpër akeset kryesore të rrugëve të Shqipërisë. Ata paralizuan trafikun në mbarë vendin pa marrë parasysh nevojat emergjente të qytetarëve, ashtu siç bëri sot opozita e Lulzim Bashës.
Edhe në atë kohë për votën e lirë protestohej por që atëherë e deri pak muaj më parë nuk u kujtua askush të kujdesej për lirinë e votës dhe ja ku jemi duke parë shfaqje të përsëritura të bllokimit të Shqipërisë herë nga Edi Rama e herë nga Berisha e tani nga Lulzim Basha, gjithnjë në pretekstin e votës së lirë.
https://www.youtube.com/watch?v=MrKD8m6x9i8
