Banorët vazhdojnë sot protestën e tretë radhazi, ku kërkojë lirimin e të dyja krahëve të rrugës lidh Tiranën me Aeroportin “Nënë Tereza”. Kryeplaku i fshatit thotë në një prononcim për mediat se ARRSH gënjen kur thotë se kanë një rrugë tjetër alternative që mund të përdoret nga banorët e zonës. Një prej tyre shprehet se ajo rrugë nuk është funksionale dhe nuk i lidh ata me punët, shkollën dhe spitalin.
“Nuk është funksionale ajo rrugë alternative që propozon ARRSH, ata sillen inferior ndaj nesh. Në nuk duam asgjë veç se të kemi mundësi të shkojmë në tokat bujqësore, pasi me to mbahemi. Të shkojmë në shkolla dhe spital, rruga tjetër nuk na e mundëson. Autoriteti Rrugor vetëm na anashkalon, por duhet të dëgjojë zërin tonë, pasi ne nuk dorëzohemi”, tha një banorë. Ndërsa u shpreh se janë munduar të komunikojnë me ARRSH por ata iu shmangen dhe nuk iu japin asnjë përgjigje.
