Vijon protesta në Devoll për rritjen e çmimit të naftës. Nëse do të ketë rritje çmimesh dhe mungesë vëmendje te bujqësia, s’do ketë fermer në Shqipëri. Kështu deklaroi një prej fermerëve për mediet, duke thënë se ka investuar në bujqësi mirëpo nuk po merr asnjë fitim mbrapsht. Më tej, ai tregoi se do të vijojnë protestat për këtë kauzë mirëpo ka mungesë të theksuar në organizim.
‘Po u vazhdua kështu, në fshat s’do të ketë njeri. Organizimi është i dobët, këtu duhet të ishte i gjithë Devolli. Malli këtu është cilësor, unë e mora nismë, bleva 2 hektarë tokë që të zhvillohej bujqësia, me arka me të tëra, depon e kam moderne. Unë vetëm molla kam.’- u shpreh fermeri.
Një shqetësim tjetër nga rritja e çmimeve është ndarë sot në Devoll nga një qytetar. Ai tha për mediat se djemtë e fshatit janë pa martuar se në fshat ka më shumë vdekje e emigrim sesa dasma.
