Kryetarja e LSI, Monika Kryemadhi e pranishme në protestën e opozitës nuk kurseu kritikat ndaj Qeverisë së kryeministrit, Edi Rama.
Kryemadhi tha se sot, më shumë se kurrë ne jemi të vendosur për të ecur përpara dhe për të mos u ndaluar më në asnjë moment.
“Jemi për secilin nga ju që është i papunë dhe nuk ka mundësi të pagujë, për të gjithë ato pensionistë nuk paguajnë dot. Sot, ne jemi si ish-deputetë por në fakt ish-deputetë të një parlamenti iligjetim, të një parlementi i cili është i kapur, i cili nuk është i kapur por edhe i bërë pis. Mbështetja juaj ka vlerat që duhet të ketë politika shqiptare. Ne shikojmë çdo person që nuk kanë mundësi për të jetuar dhe për të qenë të barabartë. Akoma nuk kemi parë drejtorët e policisë të cilët ishin bashkëpunëtorë në trafikun e drogës por janë zhdukur. Po shikojmë sesi burgjet mbushen me varfanjakët që nuk kanë mundësi të paguajnë dritat. Sot, më shumë se kurrë ne jemi të vendosur për të ecur përpara dhe për të mos u ndaluar më në asnjë moment. Faleminderit, zoti ju ruajt juve.”-tha Kryemadhi.
