Gazetari Aulon Kalaja ka marrë pjesë në protestën e thirrur nga PD-ja. Në fjalën e tij, në podium aty ku do të jepen fjalimet e qytetarëve, shoqërisë civile dhe demokratëve, Kalaja u bën thirrje të gjithë qytetarët të mos dorëzohen.
Ndërsa ka shprehur keqardhje për shpopullimin e vendit si pasojë e krizës.
“E keqja fiton kur të mirat nuk bashkohen. Sot ti duhet të ishe këtu me ne, s’ka problem ne do të të presim. Ky popull ujk, nuk ka nevojë për bari, por të shqyen për të drejtat e veta. Nuk është koha për disfatë. Çohuni shqiptarë në këtë protestë kundër shpopullimit të Shqipërisë. Ata që heshtin për të protestuar kthehen nga burra në frikacakë. Në çdo vend të lirë kur një populli nuk i pëlqen qeveria, nuk ikën populli por qeveria. është koha që nga qytetarë të kthehemi në luftëtarë për atdheun tonë”, tha Kalaja.
