Kryeministri Edi Rama ka reaguar për herë të parë për protestën e thirrur nga Sali Berisha dhe Ilir Meta para godinës së Kryeministrisë më 12 nëntor.
Rama përsëriti të njëjtat akuza se PD sipas tij është financuar nga para ruse, ndërsa tha se për të Berisha dhe Meta turpëruan emrin e Shqipërisë.
“Akuza pa fakte. PD është financuar me para ruse 500 mijë dollarë, është një fakt i dokumentuar, është një fakt i zbuluar në media në SHBA. I përqeshur gjerësisht këtu tek ne. Është konfirmuar nga raporti i Shërbimit Sekret Amerikan CIA. Ndërkohë akuzat me serb apo të tjera, janë prodhime të një tërbimi të madh. Tërbim nongratash dhe spiunësh për një investim që do të jetë krenari Kombëtare se do të transformojë Durrësin dhe ekonominë e tij. Do të rris vlerën e pasurive të patundshme. Në të gjithë Durrësin, do të rris vlerën dhe çmimet e hoteleve. Do të rrisë punësimin. Ne jemi në anën e dinjiteti dhe krenarisë kombëtare. Nuk lë rast pa e lartësuar Shqipërinë, të tjerët Non Gratat e turpërojnë emrin e Shqipërisë. Qoftë edhe me emrin e tyre jo më kur hapin gojën nuk ka asgjë më shumë për të ardhur keq”, tha Rama.
Lexo edhe: Paralajmëron Berisha: Nëse Rama na prek “flamurin”, do përleshemi
