Lidhur me protestën e opozitës ditën e nesërme, Policia e Shtetit ka njoftuar se do të vendosë në gatishmëri një numër punonjësish policie, pasi bëhet fjalë për ruajtjen e institucioneve të rëndësisë së veçantë.
Mësohet se Policia e Shtetit nuk i ka dhënë leje opozitës, me arsyetimin se tubimi i njerëzve pengon hyrjen e deputetëve në Kuvend dhe vë në rrezik jetën e tyre.
Policia pritet që të angazhojë pothuajse të njëjtin numër punonjësish të rendit, Shqiponjat, FNSH si edhe Gardën e Republikës, por në ndryshim nga herët e tjera po sheh mundësinë që për të rritur sigurinë e deputetëve dhe parlamentit, të krijojë një kordon me skela përgjatë oborrit.
