Lidhur me organizimin e protestës së 25 majit, ish-deputeti i PD-së në qarkun e Shkodrës, Flamur Noka tha se kjo do jetë protesta më e madhe që do zhvillohet nga opozita.
Noka shtoi se Rama është rrëzuar nga qeveria de facto dhe se shumë shpejt do vijë dita që ai do rrëzohet de juro.
“Largimi i Ramës është emergjent, pasi Shqipëria po rrëshqet çdo dite drejt diktaturës. Sot të gjithë jemi dëshmitar të arrestimeve politike, ai po tenton të rikthejë diktaturë. Largimi i tij emergjencë kombëtare. Ne jemi duke intensifikuar aksionin dhe duke u bërë gati për protestën më të madhe të historisë, atë të 25 majit, që do te gjunjëzoje kryehorrin dhe kryebanditin Edi Rama. Ajo që është e qarte sot, është se Edi Rama de facto është i rrezuar. Ai nuk po qeveris, por kapet me kthetra pas karriges. Shpreson se mund të shtyjë ditët ne pushtet duke shkatërruar shtetin. Shpreson dhe beson se mund te shtyje ditët duke e kthyer shtetin në policor, ku dhunon opozitën dhe qytetarët dhe jo bandat e krimin. De juro do të jetë e shpejtë dita që do të largohet. Sa më parë të largohet aq më mirë do të jetë për të. Është përpjekur të kërcënojë qytetarët me gjyqe politike, por burgu që kërcënon është vendi i tij. Sa më shumë të zgjasë aq më shumë afron burgun e tij. 25-sa është apel për çdo shqiptar, të shkojmë drejt Tiranës dhe ti japim goditjen finale klikës se dhunës. Do të jetë protesta më e madhe dhe që do ti japë një leksion qeverisë së krimit”, deklaroi Noka.
