Një nga pjesëmarrësit në protestën e organizuar nga opozita është përballur dje me një situatë të papëlqyeshme. Kreshnik Osmani, i cili ishte dhe një nga folësit në podiumin e ngritur në bulevardin “Dëshmorët e Kombit”, ka humbur portofolin. Ka qenë vetë ai, që ka zbuluar për humbjen e kuletës ndërsa u ka bërë thirrje ndjekësve të tij që ta ndihmojnë të rikuperojë kuletën pasi brenda saj ka kartat që i duhen. 
“Miq të dashur! Gjatë protestës se sotme, kam humbur sot portofolin nga pakujdesia dhe nga dëshira për të ndihmuar një të varfër. Ju lutem nëse dikush nga ata që më njohin dhe e kanë gjetur, të ma japin sepse kam karta identiteti, crediti banke, patenta që ju nuk ju bëjnë punë dhe mbajini të gjitha paratë! Rëndesi ka që Shqipëria u çua sot e gjitha në kembë. Ju faleminderit!”-shkruan ai.
