Lidhur me kërkesën e opozitës për zgjedhje të lira dhe të ndershme, deputetja demokrate Majlinda Bregu u shpreh se beson që do të gjendet një zgjidhje, sërish me ndërhyrjen e ndërkombëtarëve.
Në një intervistë me gazetarin Adi Krasta, Bregu tha se reforma në drejtësi do të ecë përpara. Reforma është një nga momentet e kthesës për shqiptarët.
Bregu u shpreh se votimi elektronik nuk e shmang blerjen e votës ndërsa kritikoi momentin e zgjedhur nga opozita për nisjen e protestës.
“Votimi elektronik nuk e shmang pjesën e blerjes së votës, por sigurisht që eleminon presionin. Kjo çadër ose protestë mund të kishte ndodhur edhe në shtator të këtij viti, sepse kalimi i kohës i jep edhe një arsye kundërshtarit, sepse thotë që nuk kam kohë”, përfundoi Bregu.
