Për mbarëvajtjen e protestës së të premtes policia ka hartuar një plan masash për ruajtjen e institucioneve dhe rendit publik. Mësohet se rreth 1700 forca policie pritet që të angazhohen pranë Kryeministrisë dhe Parlamentit.
Shpërndarja e uniformave blu pritet të jetë e ngjashme me protestat e mëparshme. Përballë protestuesve me një kordon që do të jetë përgjatë perimetrit të kryeministrisë do të jenë punonjësit e rendit dhe ata “Shqiponja” ndërsa forcat e FNSH do të jenë në gadishmëri në pjesën e pasme.
Një pjesë tjetër do të jetë e pozicionuar pranë parlamentit. Në gadishmëri pranë godinës së kryeministrisë do të jenë edhe Garda e Republikës. Opozita ka kërkuar leje në Policinë e Tiranës për një protestë marshim nga ora 20.00 deri në mesnatë, ndërsa policia i ka kthyer shkresë duke i dhënë leje për protestë deri në 22:00.
