Banorët e Astirit kanë dalë si çdo mbrëmje në rrugë për të protestuar lidhur me projektin e Unazës së Madhe.
Të pranishëm në protestën e tyre ishin të pranishëm edhe përfaqësues të opozitës, midis tyre edhe ish-deputeti Klevis Balliu, i cili bëri thirrje për lirimin e të arrestuarve midis të cilëve është edhe Dorian Protoduari.
Balliu foli edhe rreth kërkesës që e ka parashtruar më herët Presidenti Meta për dialog midis palëve, duke thënë se Edi Rama dialogon vetëm me kriminelët dhe me Bajrat. Ai tha se opozita dhe populli nuk voton me Bajrat.
“Ti je një hiç je një asgjë dhe do të kesh fundin në bazë të asaj çfarë ke shkaktuar tek njerëzit. Ti nuk njeh dialog, ti njeh vetëm mashtrime. Ti je mësuar të bësh marrëveshje vetëm me banditët. Të dialogosh me ty do të thotë të dialogosh me Bajrat, unë nuk dialogoj me ty, nuk dialogoj me Bajrat, populli nuk dialogon me Bajrat. Të gjithë bashkë si shqiptar do të largojmë ant-shqiptarin, atë që mbushi sheshet me gazra dhe xhepat me paratë e shjqiptarëve”.
