Sekretarja e Përgjithshme e Partisë Drejtësi Integrim dhe Unitet, Mesila Doda ka shprehu sipas saj disa të vërteta në lidhje me protestën e djeshme.
Përmes një postimi në Facebook, Doda shkruan se zyrtarisht kjo shënon krizën e demokracisë shqiptare ku opozita u përthith nga pushteti…
Postimi i plotë
Disa të vërteta që nuk mund të rri pa i thënë për protestën e djeshme…
-Mos flisni më për dhunën e protestuesve se është turp… simboli i asaj proteste ishte Fatmir Mërkoci që hipi në shkallë për të folur e vënë flamurin e PD dhe mori gaz mbytës e karrige kokës si qerasje
-Dhuna dhe gazi ndaj demokratëve ishte çnjerëzor. Ai që u hodh nga brenda selisë dhe ai që u hodh nga forcat e policisë, ndaj është e turpshme të flitet sot për profesionalizëm të forcave të policisë. Mqs kanë pafytyresinë të gënjejnë e të thonë që nuk ishte gaz ai që u hodh, di të them që kjo është të marrësh shqiptarët për idjot… demokratët u trajtuan në shtëpinë e tyre ashtu siç i trajtoi Llesh Kimiku dy vjet më parë
-Futja e policisë mes demokratëve ishte akti më i rëndë në këto vite demokraci. Zyrtarisht kjo shënon krizën e demokracisë shqiptare ku opozita u përthith nga pushteti…
Ka shumë për të reflektuar por sot ekziston rreziku që opozita të kalojë në disidencë.
