Banorët e Unazës së Re janë sulmuar sot gjatë protestës nga dy automjete që janë futur në mes të turmës.
Protestuesit, mes tyre gra dhe fëmijë janë terrorizuar nga ngjarja ndërsa janë dëgjuar edhe të bërtitura dhe ulërima. Mësohet se policia e cila ndodhej shumë pranë vendit të ngjarjes nuk ka ndërhyrë madje ajo ka qëndruar indiferente edhe kur turma është sulmuar nga një mjet i dytë.
Një nga protestuesit ka deklaruar se i njihte atutorët e ngjarjes si dhe ka bërë publikë emrat e tyre që sipas tij ishin Alket Elmazi dhe Rebani Jaupi.
Lajmin e ka njoftuar edhe Partia Demokratike e cila shkruan si më poshtë:
“Një person me automjet ka sulmuar banorët që protestonin në Unazën e Re. Mjeti që drejtohej nga një shtetas i paidentifikuar ende hyri mes turmës ku kishte më së shumti gra dhe fëmijë. Momenti ka qenë tmerrues dhe në video dëgjohen ulërimat e fëmijëve të traumatizuar. Policia e cila ndodhej shumë pranë vendit të ngjarjes nuk ka ndërhyrë dhe ka qëndruar indiferente ndaj këtij sulmi që mund të kishte qenë me pasoja fatale për jetën e protestuesve, grave dhe fëmijëve të tyre.”
https://www.facebook.com/partiademokratike/videos/271557236894245/
