“Kur fillova punë këtu, u përballa me një realitet të vështirë. Megjithëse isha certifikuar në Gjermani si masazhatore, çdo klient që vinte kërkonte shërbime ekstra”.
Kështu e ka nisur rrëfimin e saj përpara policisë 33-vjeçarja E.M, e cila ishte vetëm njëra nga vajzat në një qendër masazhesh në rrugën “5 Maji”, që përdorej për prostitucion, të goditur nga Policia e Tiranës, e cila ka arrestuar administratorin e saj me iniciale A.B., 29 vjeç. Vajza nga kryeqyteti ishte specializuar në Evropë dhe sapo nisi punën në qytetin e lindjes, përfundoi duke kryer masazhe ekstra përtej asaj që ishte specializuar. Rasti i kthimit të një qendre masazhi që është kthyer si fole prostitucioni në Tiranë, është vatra e radhës e zbuluar u denoncua nga banorët e lagjes, deklaroi një oficer policie.
Sipas hetimeve që vijojnë të jenë në zhvillim e sipër, çështja u sinjalizua në telefon në Drejtorinë Vendore dhe kokretisht në sallën operative. Kur policia mbërriti në vendin që denoncohej nga i panjohuri telefonues, gjeti aty menaxheren e qendrës, pronarin dhe një qytetar tjetër. E reja që ka hedhur poshtë qëndrimin e pronarëve u rrëfye menjëherë mbi shërbimet seksuale që kryente.
“Ata kërkonin shërbime ekstra si marrëdhënie apo seks oral. U shqetësova, pasi unë isha punësuar si fizioterapiste dhe jo të kryeja shërbime ekstra. Ia qava hallin pronarit, por ai u përgjigj që të bëja kujdes. Por meqenëse jam nënë e re dhe dua të rris fëmijën tim dhe jam specializuar si fizioterapiste në një nga vendet më të avancuara, nuk kisha rrugë tjetër se ku të punësohesha. Në atë qendër vijnë burra të dehur, të çuditshëm, burra në moshë mbi të 50-at dhe ndaj nga halli – e theksoj nga halli – në dy raste pranova të kryej shërbime ekstra. Kam kryer marrëdhënie pa dëshirën time, kam qenë e detyruar”, shton më tej e reja.
Ajo shprehet se një masazh kushton 3500 lekë dhe kur klienti këmbëngul dhe kërkon shërbime ekstra, ajo është e detyruar t’u kërkojë shtesë pagese nga 1000 deri në 1500 lekë më tepër.
“E vura në dijeni pronarin, i cili është nga Dibra dhe ai ka interes të ketë sa më shumë klientë dhe të reklamojë në Instagram gjëra që masazhi nuk është për qejf, por është fizioterapi”, tregon vajza.
Efektivët morën në pyetje edhe klientin që u gjet aty, i cili u prezantua si një pacient.
“Jam këtu prej tre muajsh, pasi kam nxjerrë shpatullën dhe sa herë kam mundësi vij për fizioterapi”, ka deklaruar qytetari.
“Por dua të theksoj se në asnjë rast shtetasja në fjalë nuk më ka ofruar dhe as i kam kërkuar shërbime të tjera”, ka shtuar ai.
Policia deklaron se pronari ka këmbëngulur se nuk kishte dijeni që në qendrën e tij ushtrohej prostitucion dhe se ka një biznes të regullt. Megjithatë policia ka hapur dosjen kundër tij për akuzën e prostitucionit dhe mbajtje të lokaleve për prostitucion, referuar edhe dëshmisë së fizioterapistes 33-vjeçare./Gazetasi.al
