Gjykata e Shkodrës ka vendosur masën e sigurisë “arrest me burg” për shtatë personat e arrestuar me akuzën e shfrytëzimit të prostitucionit.
Në pranga përfunduan shtetasit Rinard (Frederik) Tota, 50 vjeç, banues në Shkodër dhe i dënuar më parë, Kastriot Musa, 41 vjeç, banues në fshatin Barbullush të Shkodrës si dhe pesë femra të moshës nga 25 deri në 33 vjeç, ndërsa procedohet në gjendje të lirë një shtetas tjetër.
Policia sekuestroi në cilësinë e provës materiale ambientin trikatësh në pronësi të Rinard Totës, dy automjete, një Benz dhe një Land Rover, po në pronësi të tij, një armë zjarri e llojit pistoletë, shtatë ora dore dhe një sasi të konsiderueshme bizhuterishë të ndryshme.
http://top-channel.tv/2017/11/22/prostitucioni-arrest-me-burg-per-7-persona-ne-shkoder/
