Kryetari i Partisë Demokratike, Lulzim Basha, pak minuta më parë, zhvilloi një takim me ish-kryeministrin Sali Berisha. Ky takim u zhvillua menjëherë pas takimit të kryeopozitarit me aleatët parlamentarë të PD në selinë blu për paketën e ofruar dje nga zyrtai i lartë amerikan, Hoyt Brian Yee për zgjedhjen e ngërçit politik.
Kryetari i PD-së Lulzim Basha, ka mbledhur në një takim aleatët e tij ku ka diskutuar rreth situatës së fundit pas bisedimeve me zyrtarin e lartë amerikan, zëvendës/ndihmës sekretarin amerikan të shtetit, Hoyt Brian Yee. Një ditë më parë, Basha u takua me zyrtarin e SHBA-së i cili i ka dhënë kreut demokrat 24 orë kohë për të dhënë një përgjgije rreth paketës Mc Allistër. Hoyt Brian Yee gjendet edhe sot në Tiranë për të pritur këtë përgjigje pas takimeve intensive të një dite më parë që rikthyen shpresat për një marrëveshje.
Një ditë më parë në takimin me gazetarët, Hoyt Brian Yee tha se paketa që u prezantua nga McAllister është një paketë e drejtë që mund të çojë drejt zgjidhjes.
Diplomati i lartë i SHBA-ve ka deklaruar gjtihashtu se pavarësisht pjesëmarrjes së Partisë Demokratike në zgjedhje, se nëse zgjedhjet çertifikohen si të rregullta nga OSBE, Shtetet e Bashkuara do t’i njohin.
