Prokuroria e Krime të Rënda kërkoi sot 152 vite burg për 9 personat, pjesë e një grupi që rekrutonin dhe dërgonin shtetas Shqiptarë për të marrë pjesë në luftimet në Siri.
Bazuar në një hetim të zhvilluar në bashkëpunim me strukturat e tjera ligjzbatuese, prokuroria deklaron se ka siguruar prova të mjaftueshme se të pandehurit, kryesisht në vitin 2013, kanë bindur dhe dërguar në Siri qytetarë të ndryshëm Shqiptarë, me qëllim bashkimin e tyre me grupet radikale të armatosura që veprojnë në atë zonë.
Në përfundim të hetimeve, Prokuroria e Krimeve të Rënda, akuzon nëntë personat për veprat penale :”Rekrutimi i personave për kryerjen e veprave me qëllimeve terroriste ose të financimit të Terrorizmit”; ”Stërvitja për kryerjen e veprave me qëllime terroriste” si dhe
”Nxitja e urrejtjes ose grindjeve”, parashikuar nga nenet 231, 232/a dhe 265 të Kodit Penal. Bazura në këto akuza për të pandehurit kërkohet dënim me burg për secilin, sipas tabelës së mëposhtme:
