Prokuroria e Durrësit ka nisur hetimet ndaj gjyqtarëve që liruan Lulzim Berishës, të cilët akuzohen për veprën penale të “Shpërdorimit të detyrës”.
Gjithashtu Prokuroria ka nisur hetimin edhe ndaj Bashkisë së Durrësit lidhur me praktika administrative e ndjekur prej saj në bazë të të cilave është vendosur me lirimin me kusht të të dënuarit Lulëzim Berisha.
Lulzim Berisha u lirua disa ditë më parë nga burgu, ku të dhënat e siguruara nga BIRN treguan se liria e parakohshme e tij, nuk ka ardhur vetëm si pasojë e vendimeve të debatueshme të gjykatave, por edhe nga një oferte për punë nga kryetari i bashkisë së Durrësit, Vangjush Dako.
