Hetimet për të hedhur dritë mbi fatin e të shumëkërkuarit Ervis Martinajt, duhet se po përplasin institucionet. Mësohet se Prokuroria e Kurbinit ka kërkuar lejimin e kontrollit të disa banesave në Durrës, por Gjykata e ka rrëzuar.
Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse. Ndërkohë kërkesa për kontrollin e banesave, u pranua nga gjykata e Apelit Tiranë.
Fati i Ervis Martinajt vijon të mbetet mister që prej datës 10 gusht, pas denoncimit të bërë nga familjarët e tij se rezulton i zhdukur. Nuk dihet nëse Martinaj është ekzekutuar nga kundërshtarët e tij, apo zhdukja është e inskenuar për t’i shpëtuar njëherë e mirë dyerve të qelisë.
