I kritikuar ditët e fundit nga presidenti Donald Trump, shefi i zbatimit të ligjit në Shtetet e Bashkuara Jeff Sessions e gjen veten nën presion për të dhënë dorëheqjen.
Por ditët e fundit Presidenti e ka sulmuar zotin Sessions për tërheqjen e tij nga hetimet për Rusinë, duke e quajtur atë “të dobët”.
“Është e qartë se Presidenti Trump po përpiqet ta detyrojë prokurorin e tij të përgjithshëm të largohet nga detyra”, thotë senatori Chuck Schumer.
Presidenti Trump mohoi të martën se po e lë zotin Sessions në një situatë të vështirë, por nuk bëri ndonjë lëvizje për ta shpëtuar Prokurorin e Përgjithshëm: “Jam shumë i zhgënjyer nga Prokurori i Përgjithshëm. Të shohim çfarë do të ndodhë. Koha do ta tregojë.”
