Një qytetar ka denoncuar në emisionin “Stop” një ryshfet prej 18 mijë eurosh që ka dhënë për zhbllokimin e një shume parash prej 120 mijë eurosh të ardhura nga jashtë vendit.
Prokurori i denoncuar është Ardian Braho, të cilit i paguhen 18 mijë euro për të hequr sekuestron mbi një sasi parash të sekuestruara me dyshimin si para të fituara në aktivitet kriminal.
Personi paguan një oficer të policisë gjyqësore, i cili është sekseri paratë të ndara në 4 pjesë, 3 nga 5 mijë euro dhe 1 nga 3 mijë euro. Pas marrjes së parave oficeri i premton qytetarit heqjen e menjëhershme të sekuestros. Ai thotë se shkresa shkon sot dhe paratë janë të lira.
Ministri i Drejtësisë, Ylli Manjani ka reaguar menjëherë në lidhje me publikimin e video skandalit.
Ministri ka kërkuar një hetim të thellë dhe të plotë të prokurorisë për këtë çështje. Nga ana tjetër ai tha se veprimi i ligjit është domosdoshmëri në këtë rast.
