Shkëputja e përkohëshme nga politika ka rezultuar produktive për ish-deputeten Mimoza Hafizi. Lajme prej saj vijnë jo nga fusha e politikës ku ka qenë shpesh protagoniste, por në lëmin shkencor, ku duket se po korr jo pak sukses.
Hafizi, përmes një statusi në Facebook ka njoftuar se Agjencia Hapësinore Europiane, shpalli përzgjedhjen e projektit THESEUS si njërin nga tre projektet kandidate të programit të saj: Vizioni Kozmik.
Postimi i plotë i Hafizit:
Sot ESA, Agjencia Hapësinore Europiane, shpalli përzgjedhjen e projektit THESEUS si njërin nga tre projektet kandidate të programit të saj: Vizioni Kozmik.
Bashkë me grupin tim në Universitetin e Tiranës, jam që nga fillimi pjesë e konsorciumit ndërkombëtar të astrofizikanëve, që po e përpunojnë dhe përgatisin këtë projekt. Ndjehem krenare për punën e jashtëzakonshme të këtij ekipi.
THESEUS është një mision i ri hapësinor, që do të monitorojë ngjarjet kalimtare të energjive të larta në Univers, të cilat kanë ndodhur kudo dhe kurdo. Ai do të përpiqet t’i japë përgjigje pyetjeve: Si ka filluar Universi ? Nga se përbehet Ai ?
