Prokuroria e Tiranës zbulon skemën e përdorur nga Gëzim Metalia
Prokuroria e Tiranës ka zbardhur mekanizmin e mashtrimit të tre personave, dy prej të cilëve arrestuar dy ditë më pare, që mernin para për pranimet në Akademinë e Sigurisë. Në qendër të skemës mashtruese sipas organit të akuzës ka qenë shtetasi Gëzim Metalia, 44 vjeç. Tre shtetasit i kanë marrë në bashkëpunim shumën prej 900 eurosh një kandidati nga Cërriku, që ishte regjistruar për konkurim në Akademinë e Sigurisë, duke e mashtruar. Nga përgjimi i një bisede të zhvilluar mes të arrestuarit Gëzim Metalia dhe të dyshuarit tjetër Erald Hasanllari, del qartë se gjithçka është e sajuar.
Gëzimi hiqej si pedagog i Akademisë së Sigurisë duke u prezantuar si “shef Kadriu”, thanë burimet e Prokurorisë. Policia bëri arrestimin e Gëzim Metalisë dhe Rexhep Rexhës të premten, ndërkohë që të shtunën Gjykata e Tiranës pranoi kërkesën e Prokurorisë për vendosjen ndaj të tyre të masës së sigurisë “arrest me burg” për akzuën “Ushtrim ndikimi të paligjshëm”.
