Mes të arrestuarve 4 shtetas të Shqipërisë
Katër shtetas të Shqipërisë dhe tre të tjerë të Kosovës, anëtarë të një bande droge, janë vënë në pranga në Prishtinë. Së pari u arrestuan 4 shtetasit e Shqipërisë, e më pas tre të tjetër, të cilëve u është kapur e sekuestruar një sasi lënde narkotike. Aksioni i kryer nga Policia e Kosovës është ndihmuar edhe nga njësi të tjera policore. Ai u krye në rrugën “Luan Haradinaj” dhe “Shaban Shala”, në Prishtinë, ku fillimisht janë ndaluar dy makina me targa të Shqipërisë, me të cilat po udhëtonin katër të dyshuar meshkuj, shtetas të Shqipërisë. Policia gjatë kontrollit në njërën nga makinat ka vërejtur dyshime se në gomën rezervë të automjetit mund të ketë substancë narkotike dhe gjatë verifikimit është gjetur substancë e dyshuar narkotike e llojit marijuanë, me peshë 1867.8 gramë.
