Pasi prishi marrdhëniet me Putin, ministri rus i Mbrojtjes, Sergei Shoigu, ka shfaqur probleme shëndetësore. Mediat e huaja bëjnë me dije se, ai nuk është parë prej 12 ditësh dhe në TV janë shfaqur pamjet dhe fotografitë e vjetra, thonë mediat opozitare. Kjo vjen pasi u zbulua se Putini kishte filluar një gjueti shtrigash në rrethin e tij të brendshëm dhe po tregohet i kujdesshëm ndaj aleatëve të ngushtë pasi SHBA dhe Britania zbuluan planet e tij ushtarake.
Ndër ata që ngjallën dyshime ishte Shoigu, i cili është në krye të operacionit të përgjakshëm ushtarak në Ukrainë, që besohet se ka çuar në vdekjen e më shumë se 10,000 trupave dhe vdekjen masive të civilëve.
Daljet e tij publike janë kufizuar ndjeshëm javën e kaluar, ndërsa vajza e tij e vogël Ksenia, 31 vjeçe, u pa duke pozuar me ngjyrat ukrainase blu dhe të verdhë. Më 18 mars, Shoigu, 66 vjeç, u përmend në një raport në faqen e Kremlinit duke thënë se ai dhe Putin kishin diskutuar ‘përparimin e operacionit special në Ukrainë’ me anëtarët e përhershëm të këshillit të sigurisë.
