Alibeaj: Nuk bëhemi kozmetikë e procesit, domosdoshmëri reflektimi i këshillës së Komisionit të Venecias për shmangien e politizimit të sistemit të drejtësisë
Opozita sinjalizon prishjen e marrëveshjes për reformën në drejtësi. Përfaqësuesi i PD-së në komisionin për reformën zgjedhore, Enkelejd Alibeja, tha sot pas mbledhjes së komisonit, se mazhoranca nuk ka vullnet për të reflektuar një prej vërejtjeve kryesore të Komisionit të Venecias, shmangjen e kapjes së sistemit të drejtësisë nga politika.
Alibeaj tha se është i pamundur konsesnsusi mazhorancë-opozitë për reformën në drejtësi në se nuk merret në konsiderate kjo pikë e referuar nga Komisioni i Venecias.
“Këmbëngulja që konstatova sot përgjatë gjithë debatit për të qëndruar fort, këtyre formulave që kapin politikisht sistemin e drejtësisë më ka dhënë të kuptoj sinjalin që nga mazhoranca nuk ka një dëshirë për të përqafuar dhe për të qenë konform atyre urdhërimeve, udhëzimeve, orientimeve, këshillave që Komisioni i Venecias ka dhënë.
Kjo ishte pra ajo çfarë ka ndodhur sot. Pa zgjidhur këtë çështje pjesëmarrja jonë do të ishte vetëm dhe thjesht kozmetikë. Nuk jemi për kozmetikë në komisionin ekspertëve dhe jo vetëm kaq, ne kemi treguar gjatë gjithë kohës që jemi të hapur të ofrojmë kontributin tonë më të lartë në këtë komision”, tha Alibeaj.
