Borut Pahor, Presidenti i Sllovenisë, ia ka thënë në sy Edi Ramës, se është kundër ndryshimit të kufijve në Ballkan pasi kjo gjë nuk mund të bëhet dot në paqe.
“Ritmi i ngadaltë i procesit ka të paktën 4 pasoja nevative: Dobëson besimin e ndërsjelltë; ngadalëson procesin e reformave; rritet nacionalizmit; ka hapësirë për rritjen e ndikimin nga vende të tjera. Ndalimi i procesit të zgjerimit amplifikon idetë e rrezikshme për ndryshimin e kufijve. Kufijtë e rinj nuk mund të vendosen në mënyrë të paqtë. Kjo është deklaratë e imja mjaft e vendosur“, tha Pahor.
Duke folur në ‘Forumin Bled’, që po mbahet aktualisht në Slloveni, Pahor i bëri thirrje BE-së të punojë më shumë për procesin e zgjerimit.
“Vetëm zgjerimi mund të përforcojë sigurinë e rajonit. Unë besoj se në strategjinë e zgjërimit, BE duhet të bëjë më shumë që procesi i zgjerimit të bëjë më shumë. Nisma Ballkani i Hapur sipas meje ka potencial të madh për të shtuar bashkëpunimin mes vendeve të rajonit. E di se ka pikëpamje të ndryshme, por më lini të pohoj qëndrimin tim”, tha ai.
Rikujtojmë se Kryeministri i Shqipërisë, Edi Rama ka qenë ndër mbrojtësit më të fuqishëm të idesë së shkëmbimit të kufijve mes Kosovës dhe Serbisë, si mënyra e vetme për të gjetur një zgjidhje mes dy vendeve. Aleksandër Vuçiç gjithashtu ishte dakord me këtë ide dhe ai ishte madje nismëtari në Beograd.
