Presidenti i Shqipërisë, Bujar Nishani ka nisur sot një vizitë zyrtare në Kosovë me ftesë të homologut të tij Hashim Thaçi.
Nishani ka mbërritur në Kosovë mbrëmjen e djeshme, ku është pritur nga kreu i AKR, Behgjet Pacolli.
Sot pas pritjes ceremoniale që do të mbahet në sheshin “Ibrahim Rugova”, do të zhvillohet edhe takimi i përbashkët i delegacioneve.
Nishani pritet të zhvillojë takim edhe me kryeministrin Isa Mustafa, qeveria e të cilit një ditë më parë u rrëzua me një mocion mosbesimi. Kosova tashmë pritet të shkojë në zgjedhje të parakohshme.
