Presidenti i vendit Ilir Meta ka kthyer në Kuvend paketën Antishpifje, të cilën e kaloi qeveria në seancën e fundit plenare që u zhvillua në muajin Dhjetor.
Sipas sqarimit të bërë nga presidenca paketa Antishpifje shkel të drejtat themelore të një shteti demokratik, siç është liria e shprehjes dhe e drejtës për informim.
Meta: Shkel parimet themelore kushtetuese të një shteti demokratik. Shkel të drejtën e lirisë së shprehjes, së shtypit dhe të drejtës së informimit. Në kundërshtim me jurisprudencën e Gjykatës Kushtetuese. Shkel standartet e Konventës Evropiane të të Drejtave të Njeriut.
Paketa Antishpifje që i jep AMA-s kompetenca gjyqësore, në vendosjen e gjobave për mediat online, është kundërshtuar shumë dhe nga komuniteti i gazetarëve në Shqipëri, si dhe nga OSBE.
Përfaqësuesi i kësaj të fundit, Harlem Desir, edhe pas kalimit të ligjit në Kuvend, kërkoi nga qeveria shqiptare që gjobat për portalet të jenë propocionale, dhe të garantohet paanshmëria e AMA-s, e cila vazhdimisht akuzohet për vendimmarrje politike, sa kohë që anëtarët e saj propozohen nga qeveria dhe nga opozita.
