Presidenti i vendit, Ilir Meta në një prononcim për mediat ka komentuar votimin me 100 vota pro në parlament rezolutën për shkarkimin nga detyra e tij si president i Republikës.
Meta u shpreh se dekreti i miratuar prej tij është në përputhje të plotë me Kushtetutën e Shqipërisë. Prsidenti i vendit tha se të çmendurit në këtë vend duhet të izolohen, ndërsa ata që nuk e zbatojnë dekretin, po i bëjnë dëm Shqipërisë.
“Dekreti është në fuqi, mbajmë shënim për çdo institucion që shkel ligjin. Dekreti mund të gjykohet edhe nga Gjykata e Skraparit që nuk ekziston. Presidenti s’ndalon askënd që të çmendet. Përkundrazi i bëjmë thirrje të gjithëve të izolojmë çdo të çmendur, i cili në këtë ditë të dhurimit të gjakut bën thirrje për gjëra të ndryshme. Shqipëria ka nevojë për zgjedhje të lira dhe të ndershme që sigurojnë çeljen e negociatave Dekreti është në fuqi, është i zbatueshëm. Kush do paligjshmëri është në rrugën e tij ta zgjedhë. Kush dëshiron të ecë në rrugën e paligjshmërisë është në të drejtën e tij. Ata duhet të jenë të sigurt se do provokojnë paqen sociale dhe stabilitetin demokratik në vend”.
