Presidenti iranian, Ebrahim Raisi, do të shkojë në Damask të Sirisë të mërkurën me ftesë zyrtare të presidentit sirian për një vizitë dy-ditore “shumë të rëndësishme”, njoftuan mediat shtetërore.
“Udhëtimi në Damask të mërkurën e ardhshme është një udhëtim shumë i rëndësishëm për shkak të ndryshimeve dhe zhvillimeve që po ndodhin në rajon,” u citua të ketë thënë ambasadori i Iranit në Siri, Hossein Akbari.
Vizita vjen në sfondin e një afrimi midis rivalëve rajonalë, Iranit dhe Arabisë Saudite, dhe rritjes së angazhimit arab me Damaskun.
Irani është një aleat kryesor i presidentit, Bashar al-Assad dhe i ka dhënë mbështetje financiare dhe ushtarake regjimit të tij gjatë konfliktit 12-vjeçar të Sirisë.
“Ky udhëtim jo vetëm që do të jetë i dobishëm për Teheranin dhe Damaskun, por është gjithashtu një ngjarje shumë e mirë nga e cila mund të përfitojnë edhe vendet e tjera të rajonit”, u raportua të ketë thënë Akbari.
Vizita e Raisit do të jetë e para e një presidenti iranian në Damask që nga fillimi i luftës civile në Siri në vitin 2011.
Presidenti i fundit iranian që vizitoi kryeqytetin sirian ishte Mahmoud Ahmadinexhad, në shtator 2010.
Republika Islamike financon, armatos dhe komandon një numër grupesh të milicisë siriane dhe të huaja që luftojnë përkrah forcave të armatosura të rregullta të regjimit të Asadit, mes tyre kryesori i grupit të fuqishëm Hezbollah të Libanit./REL
Presidenti iranian, Ebrahim Raisi, do të shkojë në Damask të Sirisë të mërkurën me ftesë zyrtare të presidentit sirian për një vizitë dy-ditore “shumë të rëndësishme”, njoftuan mediat shtetërore.
“Udhëtimi në Damask të mërkurën e ardhshme është një udhëtim shumë i rëndësishëm për shkak të ndryshimeve dhe zhvillimeve që po ndodhin në rajon,” u citua të ketë thënë ambasadori i Iranit në Siri, Hossein Akbari.
Vizita vjen në sfondin e një afrimi midis rivalëve rajonalë, Iranit dhe Arabisë Saudite, dhe rritjes së angazhimit arab me Damaskun.
Irani është një aleat kryesor i presidentit, Bashar al-Assad dhe i ka dhënë mbështetje financiare dhe ushtarake regjimit të tij gjatë konfliktit 12-vjeçar të Sirisë.
“Ky udhëtim jo vetëm që do të jetë i dobishëm për Teheranin dhe Damaskun, por është gjithashtu një ngjarje shumë e mirë nga e cila mund të përfitojnë edhe vendet e tjera të rajonit”, u raportua të ketë thënë Akbari.
Vizita e Raisit do të jetë e para e një presidenti iranian në Damask që nga fillimi i luftës civile në Siri në vitin 2011.
Presidenti i fundit iranian që vizitoi kryeqytetin sirian ishte Mahmoud Ahmadinexhad, në shtator 2010.
Republika Islamike financon, armatos dhe komandon një numër grupesh të milicisë siriane dhe të huaja që luftojnë përkrah forcave të armatosura të rregullta të regjimit të Asadit, mes tyre kryesori i grupit të fuqishëm Hezbollah të Libanit./REL
