Presidenti i Ekuadorit, Lenin Moreno ka bërë një deklaratë të fortë ku tha se Julian Assange e përdori ambasadën e Ekuadorit në Londër si një “qendër për spiunazh”.
Duke folur për gazetën britanike Guardian, Presidenti Moreno tha se qeveria e vjetër e Ekuadorit siguroi lehtësira brenda ambasadës për “ndërhyrje” të shteteve tjera.
“Ne nuk mund ta lejojmë shtëpinë tonë, shtëpinë që hapi dyert e saj, të bëhet një qendër për spiunazh” tha Moreno.
Presidenti gjithashtu foli për kushtet e këqija higjienike në të cilat jetonte Assange. Avokatja e Assange, Jennifer Robinson, kundërshtoi pretendimet.
Assange, 47 vjeç, mund të përballet me burgim deri në 12 muaj, pasi u shpall fajtor për shkeljen e lirimit me kusht kur ai hyri në ambasadën e Ekuadorit në vitin 2012. Ai e bëri këtë veprim pas humbjes së luftës kundër ekstradimit në Suedi, ku ai u përball me akuzat për përdhunim.
