Presidenti i Greqisë, Prokopis Pavlopulous uron kryetarin e Kuvendit, Ilir Meta për zgjedhjen e tij në postin e Presidentit të Republikës së Shqipërisë.
Në mesazhin e urimit, Pavlopulous shprehet i sigurt se Meta do të kontribuojë në thellimin e mëtejshëm të marrëdhënieve mes Shqipërisë dhe Greqisë.
“Ju shpreh përgëzimet e mia për zgjedhjen tuaj si President i Republikës së Shqipërisë. Shërbimi juaj i gjatë parlamentar sigurisht që do të ndihmojë në kryerjen e suksesshme të detyrës suaj të re. Jam i sigurt se në postin tuaj të ri do të kontribuoni në thellimin e mëtejshëm të marrëdhënieve mes dy vendeve tona”, – shkruan Pavlopulous.
