Presidenti/ Duma: Na e lini ne kandidatin, fasadë nuk bëhemi!

0
53

Deputetja demokrate Grida Duma iu kundërpërgjigj deklaratës së Taulant Ballës se mazhoranca nuk do tërhiqet nga procesi  i Presidentit. Në konferencën e kryetarëve, Duma u shpreh se mazhoranca është pjesë e procesit për sa kohë mund ta zgjedhë edhe e vetme kreun e ri të shtetit në raundin e katërt dhe të pestë.

“Ju në proces jeni. Jepjani kandidatin opozitës. Ta propozojë opozita, shkoni votojeni, hidheni poshtë, e pastaj votojeni vetë. Që ne sot të bëjmë fasadën, sa më përket mua, harrojeni. Edhe kaq sa është zgjatur është farsë. Unë shkoj me logjikën, mos ta vonojmë fare përshpejtimin. Të vijmë këtu të enjten me një emër nga opozita e votoni e kundër ju po të doni. Kandidati i qëndron opozitës, votojeni, nëse jo, raundet tuaja si mazhorancë merrini se i keni në xhep”, tha Duma.

Kreu i grupit Parlamentar të Partisë Socialiste Taulant Balla u shpreh se raundi i dytë për votimin e Presidentit të ri do të mbahet më 23 maj ora 18:00.