Presidenti Bajram Begaj, ka firmosur sot një sërë dekretesh që sjellin ndryshime në kabinetin qeveritar.
Vendimi përfshin shkarkimin e disa prej figurave kryesore të ekzekutivit dhe emërimin e ministrave të rinj në postet përkatëse.
Zyrtarisht Begaj dekretoi shkarkimin nga detyra të Belinda Ballukut nga posti i zv/kryeministres dhe ministres së Infrastrukturës dhe Energjisë, të Elisa Spiropalit nga Ministria e Jashtme, të Pirro Vengut nga Ministria e Mbrojtjes, të Albana Koçiut nga Ministria e Punëve të Brendshme, të Besfort Lamallarit nga Ministria e Drejtësisë dhe të Toni Gogut nga detyra si ministër për Marrëdhëniet me Parlamentin.
Ndërkohë u dekretuan emërimet si më poshtë:
Albana Koçiu, Zëvendëskryeministër;
Ferit Hoxha, Ministër për Evropën dhe Punët e Jashtme;
Besfort Lamallari, Ministër i Punëve të Brendshme;
Ermal Nufi, Ministër i Mbrojtjes;
Toni Gogu, Ministër i Drejtësisë;
Enea Karakaçi, Ministër i Infrastrukturës dhe Energjisë
Erjona Ismaili, Ministër i Shtetit për Marrëdhëniet me Parlamentin.
