Pas deklaratës së kryeministrit Edi Rama për një President të përbashkët mes Shqipërisë e Kosovës, me rastin e 10 vjetorit të Pavarësisë së Kosovës, ka reaguar Ambasada e SHBA.
Me anë të një njoftimi, Ambasada e SHBA-ve sqaron se ka mbetur e zhgënjyer me kryeministrin, pasi gjuha e përdorur prej tij, aludon për bashkim është e padobishme dhe mund të dëmtojë marrëdhëniet e Shqipërisë me vendet fqinje.
Deklarata e SHBA
Ambasada e SHBA mbeti e zhgënjyer nga deklarata e Kryeministrit Rama mbi Shqipërinë dhe Kosovën me rastin e 10 vjetorit të Pavarësisë së Kosovës.
Gjuha e shkujdesur që aludon për bashkim është e padobishme dhe dëmton marrëdhëniet e Shqipërisë me vendet fqinje. Ne i bëjmë thirrje udhëheqësve që të jenë fqinjë të mirë dhe të lënë mënjanë gjuhën ndarëse të së shkuarës.
