“Ardhja e Saimir Tahirit në krye të ministrisë së Brendshme e shkatërroi policinë e shtetit në mënyrë të pariparueshme”- kështu është shprehur ish Drejtori i Përgjithshëm i Policisë së Shtetit, Ahmet Prençi.
Sipas Prençit, Tahiri shkatërroi të gjithë strukturën e ngritur dhe ligjin e Policisë së Shtetit që e kishte ndarë nga politika.
“Ligji i policisë së shtetit i votuar në vitin 2008 bëri që kjo strukturë të largohet nga policia. Por me ardhjen e Saimir Tahirit në krye të policisë, e shkatërroi këtë strukturë. Në atë kohë policia kishte më pak punonjës, rreth 2 mijë persona, por kishte më shumë punë, më shumë goditje.
Ardhja e Xhafajt me 40 bandat e tij kriminale, por që nuk i tha asnjëherë, ardhja e Lleshit që kërkon të militarizojë policinë janë vetëm hapa”- tha Prençi nga studio e Syri.Net.
