Temperaturat e larta të ditëve të fundit, por edhe tre vatra zjarri të rëna në qarkun e Fierit brenda një jave kanë bërë që prefekti Vasil Bregu të mbledhë me urgjencë Shtabin e Emergjencave Civile.
Bregu ka kërkuar rritjen e vigjilencës në monitorimin e depove dhe tubacioneve të naftës dhe të gazit, stacioneve e nënstacioneve elektrikë, depove të ujit, ujësjellësave, kullotave dhe bregdetit.
“Disa masa që duhen forcuar janë sigurimi teknik, instruktimi dhe sensibilizimi për paisjet, linjat, përdormin dhe kushtet e matjes së lëndëve kimike me efekt plasës dhe helmues që përdoren nga industritë teknologjike dhe industriale që ushtrohen në mjediset publike. Sigurimi sipas parametrave teknikë i furnizmit dhe përdorimit të energjisë elektrike dhe i gazit të lëngshëm” – tha Bregu.
